بٷگٸن قر بٸلٸم جەنە عىلىم مينيسترٸ اسحات ايماعامبەتوۆ XXX دٷنيەجٷزٸلٸك جازعى ۋنيۆەرسيادا ويىندارىنىڭ جەڭٸمپازدارى جەنە جٷلدەگەلەرٸمەن كەزدەستٸ. بۇل تۋرالى قر بعم باسپاسٶز قىزمەتٸ حابارلادى.
ٶز كەزەگٸندە, قر بٸلٸم جەنە عىلىم مينيسترٸ جارىس جەڭٸمپازدارى مەن جٷلدەگەرلەرٸنە, سپورتشىلاردىڭ اتا-انالارى مەن باپكەرلەرٸنە (عالىمجان دجەگەلديەۆ, ولەگ پوچيۆالوۆ) العىس حاتتار تابىس ەتتٸ. 
«بٷگٸن قازاقستاننىڭ حالىقارالىق ارەناداعى بەدەلٸن كٶتەرۋگە جەنە قازاقستاندىق سپورتتى دامىتۋعا جەكە ٷلەس قوسقان تالانتتى جاس سپورتشىلارمەن كەزدەسٸپ وتىرمىز. وسى جىل «جاستار جىلى» دەپ جارييالانعانى بەلگٸلٸ. قازاقستان رەسپۋبليكاسىنىڭ كٶك تۋىن جوعارى كٶتەرگەن جاس سپورتشىلاردىڭ جەڭٸسٸ ەل سپورتىنىڭ دامۋىنا سەرپٸن بەرەدٸ. ۋنيۆەرسياداعا 115 جوعارى وقۋ ورنىنان ٸشٸنەن تەك 62 ۋنيۆەرسيتەت قانا قاتىستى. مەنٸڭ ويىمشا, بۇل ٶتە از. وسىعان بايلانىستى, مەن جوو-لاردى وسى باعىتتاعى جۇمىستى كٷشەيتۋگە جەنە ستۋدەنتتەردٸ سپورتپەن اينالىسۋعا تارتۋ ٷشٸن بارىنشا قولايلى جاعداي جاساۋعا شاقىرامىن. بٸزدٸڭ ستۋدەنتتەرٸمٸز جوعارى نەتيجەلەرگە قول جەتكٸزٸپ, جەڭٸمپاز اتانعانى ٷشٸن تاعى دا شىن جٷرەكتەن العىسىمدى بٸلدٸرەمٸن», - دەدٸ مينيستر.
ايتا كەتەيٸك, سالا جازعى ۋنيۆەرسيادا ويىندارى 3-14 شٸلدە ارالىعىندا يتالييانىڭ نەاپول قالاسىندا ٶتكەن بولاتىن. وعان ەلەمنٸڭ 118 ەلٸنەن التى مىڭعا جۋىق ستۋدەنت سپورتشىلار قاتىستى. قازاقستان نامىسىن 94 سپورتشى قورعاپ, ۋنيۆەرسيادا قورىتىندىسى بويىنشا جەتٸ جٷلدەلٸ ورىنمەن ورالدى. جالپى كوماندالىق ەسەپتە قازاقستاننىڭ ستۋدەنتتەر قۇراما كومانداسى 25-ورىنعا تۇراقتادى. ەل قۇراماسىنىڭ قورجىنىندا 7 مەدال بار (1 التىن, 1 كٷمٸس, 5 قولا).
