Kadrlardy daiarlaýǵa arnalǵan granttar suranysqa ie baǵyttarǵa ǵana bólinedi. Bul týraly Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Joǵary bilim berýde kadrlardy daiarlaýǵa arnalǵan granttar suranysqa ie baǵyttarǵa ǵana bólinip, kásiptik baǵdarlaý jumysy kúsheitiledi. Kásiptik standarttar men atlas negizinde jańa baǵdarlamalardy ázirlep engizemiz», - dedi Ashat Aimaǵambetov.
Onyń atap ótýinshe, joǵary bilimniń sapasyn arttyrý úshin pedagogtardy, dárigerlerdi, zańgerler men sáýletshilerdi daiarlaityn ýniversitetterge erekshe biliktilik talaptary engiziledi.
«Buǵan qosa akademiialyq adaldyqty buzǵany jáne sybailas jemqorlyq quqyq buzýshylyqtary úshin litsenziiadan aiyrýǵa deiingi jaýapkershilikti normativtik-quqyqtarǵa bekitýge daiyndadyq. Sondai-aq memlekettik baqylaý jónindegi zańnamaǵa litsenziialaý jáne tekserý tártibin ózgertý, litsenziialardy qaitaryp alý rásimi boiynsha normalarǵa ózgerister engizemiz. Sapasyz joǵary oqý oryndaryn jabý jumysyn ary qarai jalǵastyramyz», - dedi ministr.
