Bilim jáne ǵylym ministri Kúlásh Shámshidinova memlekettiń bilim salasyndaǵy saiasatyn odan ári jalǵastyratynyn jetkizdi, dep habarlaidy Sputnik Qazaqstan tilshisi.
"Birinshiden, ár ministr óz reformasyn engizbeidi. Jalpy memleketimizde bilim saiasatyna qatysty qalyptasqan sharalar bar. Mine, biz osy sharalardy engizemiz. Biraq, ár ministr keibir máselelerde asyǵýy nemese kei máselelerdi tejeýi múmkin, keibir máselelerdi óz turǵysynan qaraýy múmkin", - dedi Shámshidinova úkimet kýlýarynda.
Vedomstvo basshysy kelesi jyly jańa bilim baǵdarlamasy qabyldanatynyn jetkizdi.
"Qazaqstannyń bilim baǵdarlamasy biyl aiaqtalyp, kelesi jylǵa jańa bilim baǵdarlamasy qabyldanady. Biraq, jańa bilim baǵdarlamasy aiasynda úlken kúrdeli ózgerister týraly áńgime aitylyp otyrǵan joq. Biz bastalǵan sharýany óz biigine shyǵarýymyz kerek", - dedi ministr.
Al jýrnalisterdiń "ministrlik Saǵadievtiń (burynǵy bilim jáne ǵylym ministri) saiasatyn jalǵastyrady dep aita alamyz ba? degen suraǵyna:
"Biz Saǵadievtiń saiasatyn emes, memlekettiń bilim salasyndaǵy saiasatyn jalǵastyramyz", - dep jaýap berdi.
