Bilim jáne ǵylym ministri Ashat Aimaǵambetov oblystyq bilim basqarmalarynyń basshylaryna «Jas maman» jobasyn tiimdi júzege asyrýdy tapsyrdy, dep habarlaidy "Ult aqparat".
«Jas maman jobasy – kásiptik-tehnikalyq bilimdi damytýǵa óte úlken áser etetini belgili. Óte mańyzdy joba. Kópten beri osy jobany áriptesterimiz armandap júrgen. Kolledjderge tiisti qurylǵylar, tehnikalar jetispeitinin másele etip kóteretin. Endi memleket tarapynan qomaqty qarajat berilip turǵan ýaqytta ony ýaqtyly ári tiimdi paidalanyp qalýymyz kerek», - dedi Ashat Aimaǵambetov Bilim jáne ǵylym ministrliginiń apparattyq otyrysynda.
Ministrdiń oblystaǵy bilim basqarmalarynyń basshylaryna naqty tapsyrma berdi.
«Bul jumysty ózderińizdiń jeke baqylaýlaryńyzǵa alýlaryńyz kerek. Taǵy da qaitalap aitamyn. Respýblikalyq saitqa ákelinip jatqan barlyq tehnikany, qurylǵylardyń aktilerin, fotosyn kórsetýimiz kerek. Qabyldaýdy da komissiia arqyly júrgizip, berilgen qarajatty tiimdi paidalanýǵa tiispiz», - dedi Ashat Aimaǵambetov.
