QR Bilim jáne ǵylym ministri Ashat Aimaǵambetov kámeletke tolmaǵandardyń isi jáne olardyń quqyqtaryn qorǵaý jónindegi oblystyq jáne aýdandyq komissiialardyń jumysyn synǵa aldy, dep habarlaidy QazAqparat.
«Vedomstvoaralyq komissiia – barlyq memlekettik organnyń kúsh biriktirip, jumysyn úilestiretin basty institýt. Sondyqtan osy institýtqa biz basa mán beremiz. Densaýlyq saqtaý, bilim, ishki ister organdary qyzmetkerleri bir baǵytta jumysyn úilestire bilýge tiis. Biraq sol komissiiany (oblystyq jáne aýdandyq) – eleýsiz jumys organynyna, bilim basqarmasy nemese bólimine ainaldyryp jiberdik. Jumys josparyn qarasań, bári de bilimge qatysty dúnieler. Turǵyn úi, balalardyń densaýlyǵy, skrining, áleýmettik qorǵaý máseleleri qaida qaldy? Jumystyń bári bir baǵytta júrgizilip ketken. Munyń basty sebebi – sol komissiialardyń hatshylary bilim basqarmalarynyń nemese bólimderiniń ókilderinen taǵaiyndalyp ketkeninde. Buǵan jol berýge bolmaidy. Máselelerge jan-jaqty qaraý kerek», - dedi Ashat Aimaǵambetov.
Ministrlik búgingi kúni aýdandyq jáne oblystyq komissiialardyń jumysyn teksergen.
«Bizdiń mamandar sondaǵy jumysty qashyqtan otyryp-aq baǵalaýǵa qaýqarly. Sol tekserý jumystarynyń qorytyndysy boiynsha osy eskertýlerdi jinaqtap otyrmyz», - dedi Ashat Aimaǵambetov.
