Bul 12 jyldyq bilim berý júiesine kósherdiń aldynda daiyndyq jumysyn júrgizip alýymyz kerek. Bul týraly QR Parlamenti Senatynda ótken dóńgelek ústel otyrysynda QR Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«12 jyldyq bilim berý boiynsha Memleket basshysy tiisti tapsyrma berdi. Bul 12 jyldyq bilim berý júiesine kósherdiń aldynda daiyndyq jumysyn júrgizip alýymyz kerek. Óitkeni infraqurylym, úsh aýysymdaǵy jáne apattyq jaǵdaidaǵy mektepter problemasy bar. Búginde oqýlyqtar, ustazdar tolyq daiyn dep aita almaimyz. Sondyqtan bul másele boiynsha asyǵystyq bolmaidy», - dedi vedomstvo basshysy.
Osy oraida A. Aimaǵambetov daiyndyq sharalary egjei-tegjeili atqarylǵannan keiin ǵana bul júiege kóshý bastalatynyn atap ótti.
«Bul turǵyda jumystardy ary qarai jalǵastyramyz», - dedi ministr.
Budan buryn habarlanǵandai, Senattaǵy talqylaý barysynda vedomstvo basshysy Qazaqstanda aldaǵy ýaqytta pedagog daiarlaýmen naqty 20-30 joǵary oqý orny ainalysatynyn aitty.
