QR Bilim jáne ǵylym ministrligi memlekettik bilim grantyn taǵaiyndaý konkýrsyna ótinish berýge kómektesetin nusqaýlyqty jariialady, dep habarlaidy "Ult aqparat".
Nusqaýlyq ministrliktiń Youtube paraqshasynda jariialanǵan.
Eske sala keteiik, buǵan deiin biz Qazaqstanda bilim grantyn taǵaiyndaý konkýrsyna qatysý úshin qujat qabyldaý 16 shilde, iaǵni keshe bastalatynyn habarlaǵan edik.
Qabyldaý elektrondy formatta júzege asyrylady.
Talapkerler men olardyń ata-anasynyń densaýlyǵyn qorǵaý maqsatynda joǵary oqý oryndarynda virtýaldy qabyldaý komissiialary jumys istep, talapkerlerge beinebailanys arqyly keńes beredi.
Oqýǵa túsýshiler 6 mamyr men 1 shilde aralyǵynda ótken UBT-nyń eki nátijesiniń bireýin konkýrsqa usyna alady.
Ótinish bergen kezde talapkerler attestat, attestatqa qosymshanyń elektrondyq kóshirmelerin jáne elektrondyq qujat nysanyndaǵy kólemi 3×4 tsifrlyq fotosýretti, sondai-aq basqa da qujattardyń kóshirmesin qosa tapsyrýy qajet.
Sonymen qatar biyl bilim granttaryn bólý kezinde BǴM alǵash ret halyqtyń áleýmettik osal toptaryna kvota bóldi.
