Biyl kúzden bastap bilim berý uiymdary direktorlaryn qyzmetke taǵaiyndaýdyń jańa júiesi engiziledi.
Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«2021 jyldyń qyrkúieginen bilim berý uiymdary direktorlaryn qyzmetke taǵaiyndaýdyń jańa júiesi engiziledi. Bul óz kezeginde balalar úilerine, mektepter men kolledjderge qatysty. Osyǵan qatysty kóptegen suraqtar bolǵan edi. Uiym jetekshisi bir orynda 25-30 jyl qatarynan qyzmet etetin oqiǵalar kezdesip jatady. Degenmen olardyń jumysynan nátije bolmaityn jaǵdailar da baiqalyp otyr. Sondyqtan taǵaiyndaýdyń jańa júiesi eń mańyzdy suraqtarǵa jaýap beredi dep oilaimyn», - dedi Ashat Aimaǵambetov.
