Ár ministr kelgen saiyn bir reforma! Bilim berý salasy synaq poligony siiaqty. Táýelsizdiktiń 27 jyly ishinde bilim salasyna jasalǵan reformalardy sanasańyz saýsaǵyńyz jetpeidi. Al onyń saldary týraly aitpai-aq qoiayq.
Keshe Qaraǵandy halqymen kezdesken Qasym-Jomart Toqaev osy reformashyldyqty synǵa aldy. Árine, osy 30 jylǵy reformalar bizdiń bilim júiemizdi damyǵan elder sanatyna súirep alyp shyqqan bolsa qaneki. Birin biri joqqa shyǵaratyn reformalardan ustazdar qaýymy da sharshaǵan. Ailyq jalaqylary da tómen. Sonyń kesirinen bilikti ustazdar qatary da kemip ketken. Osy máselege erekshe toqtalǵan Q.Toqaev «Qazaqstannyń muǵalimderiniń eren eńbekteri qurmetteýge laiyqty.
Alaida ustazdardyń ailyq jalaqylarynyń deńgeii eń tómengilerdiń qatarynda bolyp keldi (respýblikalyq ortasha eńbekaqy deńgeiiniń 66%-y). Endigi jerde ustazdardyń eńbekterine aqy tóleý júiesi qaita qaralady. Bul Elbasy Joldaýynda aityldy.
Tynymsyz eńbekteri úshin pedagogtardy yntalandyrý – durys bilim berýdiń basty kepili. Mektep muǵaliminiń bedelin de osylai kóterý qajet. Muǵalimniń ortasha eńbekaqysy basqa eńbek salalaryna qaraǵanda anaǵurlym tómen bolyp turǵan kezde mektepke daryndy, kásibi deńgeii joǵary jas mamandardy tartý qiynǵa soǵady», - dedi.
Ádilbek QABA
