«Memlekettik basqarýdy qaita qurý qajet. Jańa kýrs (baǵyt) jańa oryndaýshylardy – bilimdi, batyl, bastamashyl, iskerlik jáne adal oryndaýshylardy qarastyrady», - dedi prezident Q.Toqaev.
Durys. Mundai talaptar únemi mitingilerde qoiylyp keldi...
Biraq osyǵan deiin bilik «Miting» degen sózdi ǵana bildi. Al ondaǵy kóterilgen taqyryp (Urandar) esh mańyzdy bolmady. Sondyqtan, olarǵa «miting» ataýlynyń bári qaýipti kóringeni ras..
Eger, bilik mitingimen birge «Ondaǵy kóteriletin taqyryp ne?», «Ol qandai maqsatty kózdeidi?» degen suraqtardy qatar qoiǵanda, onda biliktiń kúshtik qurylymy beibit mitingige jinalǵan halyqty dyryldatyp súireýge, aiyppul salýǵa, qamaýǵa barmas edi. Sebebi, bizdegi barlyq mitingilerdiń kótergen urandary: halyqtyń turmys jaǵdaiyn kúsheitý, Memlekettik qaýipsizdik pen qorǵanysty arttyrý, Táýelsizdikti nyǵaitý, korrýptsiiaǵa jol bermeý, Jerdi shet elge satpaý, jalǵa bermeý jáne t.t. tek qana ulttyq múddeni qorǵaý baǵytynda boldy.
Biraq bilik (ákimshilikter) tek «Miting» ǵana kórdi de, ondaǵy kóterilgen «taqyrypty» tipten elemedi.
Sonda, bilikke Ulttyq qaýipsizdik, Táýelsizdik, Halyqtyń ómiri men jaǵdaiy esh mańyzdy bolmaǵany ma degen zańdy suraq týyndaidy.
Eger ol mańyzdy bolmasa - memlekettiń qajeti ne, memleket bolmaǵasyn biliktiń de qajeti ne degen taǵy bir zańdy suraq týmai ma?
Olai bolsa, «Kúshti Memleket bolaiyq!» (al biliksiz memleket bola ma?) dep beibit mitingigi shyqqan halyqty súirelep áýre bolýdyń da esh qajeti joq emes pe?
Alaida, bizdiń bilik «Memleketti tek mitingiden qorǵasa boldy, memleketimiz kúshti bolyp ketedi» dep oilap kelgen eken...
Endi prezident Q.Toqaev «mitingiden qoryqpaityn, kerisinshe, mitingide aitylatyn Urandardan sabaq alatyn, soǵan sai, iaǵni, halyq talabyna sai Memlekettiń irgetasyn nyqtaityn» kadrlerdi (oryndaýshylardy) memlekettik basqarý qyzmetine alamyz dedi.
Endeshe, bolashaqta bilik «mitingilerdi boldyrmaýdyń» barlyq amaldaryn kúshtik qurylymǵa emes, ákimshilik departamentterine júktei alatyndai bolýy kerek. Iaǵni, bul - qoǵam damýyn aldyn ala boljai alatyn, soǵan sai áreket ete alatyn, ony adal oryndaityn jan-jaqty bilimdi, patriot, memleketshil-halyqshyl sheneýnikter armiiasyn, basqarý júiesin qalyptastyrý degendi bildiredi.
Ol jaǵdaida, tipten, ákimshilik qyzmetkerleri mitingiler uiymdastyrsyn demei-aq qoiaiyq, biraq olar sol qainaǵan mitinginiń bel ortasynda júrýi kerek bolady!
Mitingige emes, olar uranǵa nazar salýy kerek!
Sóz sońyn:
Qazirgi «zábir kórsetti» dep jas qyzǵa zińgittei 6 politsiianyń jazǵan aryzyn qarap jatqan sotqa eki tarapty mediatsiialyq keshirimge keltirip tarqatsańyz óte dúrys sheshim bolar edi degen tilegimmen aiaqtaimyn.
Siz de Prezident Qasym-Jomart Toqaevtyń aitqanyna qulaq túrińiz, mártebeli sot!
