Búgin bilik qoǵamnyń suranysyna shuǵyl jaýap beredi. Azamattyq alians ókilderimen kezdesý kezinde Prezident Ákimshiligi basshysynyń birinshi orynbasary Máýlen Áshimbaev osylai dedi, dep habarlaidy QazAqparat.
«Memleket basshysynyń tapsyrmasymen qazirgi tańda elimizde qoǵamdyq dialog nyǵaiyp, «halyq únine qulaq asatyn memleket» tujyrymdamasynyń iske asyrylyp jatqanyn bilesizder. Bul baǵytta birshama jumys atqaryldy. Ulttyq qoǵamdyq senim keńesi jumys júrgizýde. Onyń keiingi otyrysynda el Prezidenti qoǵamdyq senim keńesiniń músheleriniń usynystary boiynsha ázirlengen reformalar paketin jariialady. Memlekettik organdardyń jumysyna ashyqtyq sipatyn berý jumysy da umyt qaldyrylǵan joq. Úkimettik emes uiymdarmen de jumys kúsheitilgen. Búgin bilik qoǵamnyń suranysyna shuǵyl jaýap beredi. Belgili bir máselelerdiń sheshimine qatysty jedel til qatady. Memleket basshysy bul rette bárimizge úlgi kórsetip otyr degen oidamyn», - dedi Máýlen Áshimbaev.
Onyń aitýynsha, bul úlgi memlekettik organdardy azamattardyń suranysyna jedel jaýap berýge jetelep, máselelerdi ýaqtyly sheshýge tyrysýda.
«Ekonomikany divertsifikatsiialaý turǵysynda alda úlken mindetter tur. Kásipkerlikti damytý isine de mańyz berilýde. Aýyl sharýashylyǵy, áleýmettik salada da máseleler sheshimin tabýda. Bul jaǵdaida biz Azamattyq alians pen onyń quramyna kiretin 500-ge tarta uiym jumysqa belsendi aralasar degen senimdemiz», - dedi ol.
Eske sala ketsek, elordada Qazaqstannyń Azamattyq aliansynyń konferentsiiasy ótip jatyr.
