ál-Farabi atyndaǵy Qazaq ulttyq ýniversiteti filologiia jáne álem tilderi fakýlteti qazaq til bilimi kafedrasy Qazaqstan Respýblikasy Táýelsizdiginiń 25 jyldyǵy men Almaty qalasynyń 1000 jyldyǵyna orai 2016 jyldyń 22 qarashasynda «ShANDOZ» atty ziiatkerlik saiys ótkizdi. Oǵan «5V020500-Filologiia» mamandyǵynyń 2-kýrs stýdentteri arasynan shyqqan úzdik 3 komanda qatysty. Qalqamjai Janat, Muhtarhan Aqnur, Emeshova Gúldariǵa, Amanjanova Jansulý, Seitbatqal Arlen, Imangazina Merýert syndy daryndy stýdentter óz qatarlarynan oq boiy ozyq ekendikterin dáleldep, saiysqa joldama aldy.
El táýelsizdiginiń 25 jyldyq jáne Almaty qalasynyń 1000 mereitoiyna arnalǵan saiysta egemendi elimizdiń jáne Almaty qalasynyń tarihyna arnalǵan suraqtarmen qatar mamandyq boiynsha alǵan bilimderi sarapqa tústi. Saiysqa filologiia ǵylymdarynyń doktory, professor Berikbai Saǵyndyquly, filologiia jáne álem tilderi fakýlteti dekanynyń orynbasarlary dotsent K. Kúrkebaev pen E. Kárbozovtar ádil tórelik jasady.
Saiys 3 týrdan turdy. I týr - «Báige» dep ataldy. Munda stýdenterdiń ótken pánderi boiynsha test tapsyrmalary berildi. II týr «Jorǵa» satysynda stýdentter 15 suraqtan turatyn 6 uiashyqtyń birin tańdaý arqyly bilimderin tekserdi. Osy týrdan keiin tómen upai jinaǵan 3 stýdent oiynnan shyǵarylyp, kelesi týrǵa 3 stýdent qaldyryldy. III týr «Doda» dep ataldy. Bul bólimde Táýelsiz Qazaqstan men Almaty qalasynyń tarihyna qatysty beine suraqtar qoiyldy. Arnaiy daiyndalǵan beine suraqtardy fakýltetimizdiń ataqty ǵalymdary B. Saǵyndyquly, Ó. Ábdimanulymen qatar A.Baitursynov atyndaǵy Til bilimi institýtynyń tilshi-ǵalymdary qoidy.
Nátijesinde saiysqa qatysqan 6 stýdenttiń ishinen III oryndy Qalqamjai Janat, II oryndy Seitbatqal Arlen, I oryndy Imangazina Merýert aldy.
Barlyq saiysqa qatysýshylarǵa kitap pen diplom tabys etildi. Al finalǵa shyqqan stýdentterge «Lingvoarna» ǵylymi-zertteý ortalyǵynyń direktory f.ǵ.k., dotsent A.T. Ashirova 1 shákirtaqy kóleminde aqshalai syilyq tabys etti.
Saiysty kafedra meńgerýshisi f.ǵ.k., dotsent S. Aqymbek jáne kafedra oqytýshylary, f.ǵ.k., dotsent B.R.Quljanova, f.ǵ.k., dotsent Ashirova, f.ǵ.k., dotsent J.B.Satkenova, f.ǵ.k., dotsent L.T.Álimtaeva, oqytýshylar A.S.Júzbaeva jáne M.E.Taýbaldievtar uiymdastyrdy.
El táýelsizdiginiń mereitoiyna filologiia jáne álem tilderi fakýltetiniń stýdentteri de óz bilimderimen «ShANDOZ» atanyp, syi-tartý jasady.
Qazaq til bilimi kafedrasynyń oqytýshylary
dotsent J.B. Satkenova, oqytýshy A. Júzbaeva
