Biletterdi Air Astana men Qazaq Air áýe kompaniialarynyń kassalarynan ǵana satyp alý kerek. Bul týraly búgin Ortalyq kommýnikatsiialar qyzmetindegi baspasóz máslihatynda QR Indýstriia jáne infraqurylymdyq damý vitse-ministri Berik Kamaliev aitty, dep habarlaidy "Ult aqparat".
«Ádette Jańa jyl qarsańynda jáne demalys kúnderi ushaq biletteri jai kúnderge qaraǵanda joǵary bolady. Sondyqtan deldaldar nemese qandai da bir kompaniialar arqyly artyq tólemge jol bermeý úshin jolaýshylarǵa biletti tek áýe kompaniialarynyń resmi saitynan jáne akkredittelgen satý núktelerin alýǵa keńes beremiz. Bizde Air Astana, Qazaq Air áýe kompaniialarmen aldyn ala ýaǵdalastyq bar», - dedi vitse-ministr.
Berik Kamalievtiń atap ótýinshe, «Bek Eir» kompaniiasynyń 31 jeltoqsanǵa deiin oryndalmaityn reisterine bilet satyp alǵan jolaýshylar atalǵan áýe kompaniialarynyń qyzmetin josparlanǵan baǵdarlarǵa bos oryn bolǵan jaǵdaida buryn satyp alǵan biletteriniń qunymen ala alady.
«Biletterdi Air Astana men Qazaq Air áýe kompaniialarynyń kassalarynan ǵana satyp alý kerek. SCAT kompaniiasyna qatysty aitar bolsaq, «Bek Eir» men SCAT kompaniialarynyń arasynda ishki ózara esep aiyrysý bar. Sondyqtan SCAT aýystyrý arqyly óz ushaqtarynan jolaýshylarǵa oryn berýge daiyn. Air Astana «Nur-Sultan-Almaty» baǵytynda qosymsha reister qosty. Bul jaiynda atalǵan kompaniianyń ókili aityp beretin bolady. Zardap shekken jolaýshylardyń jaqyn týystary tegin tasymaldanady», - dedi Berik Kamaliev.
