Akademik Tóregeldi Sharmanov qazaqstandyq naryqqa jańa sút ónimin shyǵarǵaly otyr. Búgin onyń sapasyna «Nur Otan» partiiasy Tóraǵasynyń Birinshi orynbasary men Almaty ákimi baǵa berdi, - dep habarlaidy "Ult aqparat".
Muhtar Qul-Muhammed pen Baýyrjan Baibek Qazaq taǵamtaný akademiiasynyń zaýytynda boldy. Zaýytta iogýrttan bastap shokolodqa deiin – ónimniń 30 ataýyn shyǵarý jolǵa qoiylǵan. Taǵamnyń bári de densaýlyqqa paidaly bolyp tabylatyn bie sútiniń negizinde jasalǵan.
«Nur Otan» partiiasy Tóraǵasynyń Birinshi orynbasary taza tabiǵi sútten jasalǵan ónimniń búgingi tańda barlyq álemde suranysqa ie ekenin atap ótti. Muhtar Qul-Muhammed tap osyndai óndiristerdiń syrtqy naryqta Qazaqstannyń agrarlyq sektorynyń negizgi basymdyǵy bola alatynyna senim bildirdi.
Sonymen qatar, ol akademik Sharmanovtyń paidaly usynysyna qoldaý bildirip, otandyq ǵalymdar men fermerlerdi odan úlgi alýǵa shaqyrdy.
