Tokio Olimpiadasynda taǵy qazaqstandyq boksshy Sáken Bibosynov (52 keli) qola júldeger atandy, dep habarlaidy "Ult aqparat".
Ol jartylai finalda ulybritaniialyq Galal Iafaimen qolǵap túiistirgen edi.
Alǵashqy raýndta nokdaýn alǵanmen, otandasymyz jekpe-jektiń sońyna deiin joǵary deńgeide bokstasty. Tipti, ekinshi jáne úshinshi raýndta Sákenniń basymdyǵy baiqaldy. Degenmen qorytyndy nátijede tóreshiler ulybritaniialyq boksshynyń qolyn kóterdi.
Sáken Bibosynov 1997 jyly dúniege kelgen. 2019 jyly álem chempionatynda qola júldeger atandy.
Sáken buǵan deiin Pýerto-Rikodan kelgen Iankiel Riverany, frantsiialyq Billal Bennamdy, ispaniialyq Gabriel Eskobardy jeńip ketti.
Eske salsaq, biylǵy Olimpiadaǵa bokstan erler quramasynan 8 sportshy bardy. Olardyń arasynan Qamshybek Qońqabaev (91 keliden joǵary) qola júldeger atandy.
Qazaqstandyq boksshylar buǵan deiingi Olimpiadalarda barlyǵy 22 medal alǵan. Onyń 7-i altyn, 7-i kúmis, 8-i qola.
