15 jasar álemge tanymal shahmatshy Bibisara Asaýbaeva Qazaqstanǵa oraldy, dep xabarlaidy QazAqparat tilshisi.
Anasy Liana Tanjarikovanyń aitýynsha, Bibisara endi jarystarǵa Mańǵystaýdyń atynan qatysady.
«Biz osyǵan deiin Reseide biraz jetistikterge jettik. Bibisara myqty mektepten ótti. Reseiden elimizge oralýdy josparlaǵaly biraz boldy. Mańǵystaýǵa jarysqa kelgen kezde oblys ákimi usynys jasady. Oilanyp, osyndai sheshimge keldik. Endi Bibisaranyń Qazaqstan namysyn qorǵaitynyna qýanyshtymyn»,- deidi Liana.
Oblys ákimi Eraly Toǵjanov Bibisarany jeke qabyldap, erekshe alǵysyn aitty.
«Qasietti Mańǵystaýǵa qosh keldińizder. Kieli mekenge shaqyrtýymdy qabyl alyp, óńir sportynyń damýyna úles qosatynyńyzǵa rizamyn. Buiyrsa oblysta Bibisaranyń atynan shaxmat mektebin ashyp, osy sporttyń aimaqta órkendeýine kúsh salamyz. Qadamyńa sáttilik!», - dedi oblys ákimi.
Aita keteiik, Bibisara Asaýbaeva osyǵan deiin týrnirlerge Reseidiń atynan qatysyp kelgen edi. 15 jasar výnderkindti "shaxmattyń xanshaiymy" dep te ataidy. Anasy Bibisaraǵa AQSh-tan da shaqyrtý kelgenin aitty.
