15 جاسار ەلەمگە تانىمال شاحماتشى بيبٸسارا اساۋباەۆا قازاقستانعا ورالدى, دەپ xابارلايدى قازاقپارات تٸلشٸسٸ.
اناسى ليانا تانجاريكوۆانىڭ ايتۋىنشا, بيبٸسارا ەندٸ جارىستارعا ماڭعىستاۋدىڭ اتىنان قاتىسادى.
«بٸز وسىعان دەيٸن رەسەيدە بٸراز جەتٸستٸكتەرگە جەتتٸك. بيبٸسارا مىقتى مەكتەپتەن ٶتتٸ. رەسەيدەن ەلٸمٸزگە ورالۋدى جوسپارلاعالى بٸراز بولدى. ماڭعىستاۋعا جارىسقا كەلگەن كەزدە وبلىس ەكٸمٸ ۇسىنىس جاسادى. ويلانىپ, وسىنداي شەشٸمگە كەلدٸك. ەندٸ بيبٸسارانىڭ قازاقستان نامىسىن قورعايتىنىنا قۋانىشتىمىن»,- دەيدٸ ليانا.
وبلىس ەكٸمٸ ەرالى توعجانوۆ بيبٸسارانى جەكە قابىلداپ, ەرەكشە العىسىن ايتتى.
«قاسيەتتٸ ماڭعىستاۋعا قوش كەلدٸڭٸزدەر. كيەلٸ مەكەنگە شاقىرتۋىمدى قابىل الىپ, ٶڭٸر سپورتىنىڭ دامۋىنا ٷلەس قوساتىنىڭىزعا ريزامىن. بۇيىرسا وبلىستا بيبٸسارانىڭ اتىنان شاxمات مەكتەبٸن اشىپ, وسى سپورتتىڭ ايماقتا ٶركەندەۋٸنە كٷش سالامىز. قادامىڭا سەتتٸلٸك!», - دەدٸ وبلىس ەكٸمٸ.
ايتا كەتەيٸك, بيبٸسارا اساۋباەۆا وسىعان دەيٸن تۋرنيرلەرگە رەسەيدٸڭ اتىنان قاتىسىپ كەلگەن ەدٸ. 15 جاسار ۆۋندەركيندتٸ "شاxماتتىڭ xانشايىمى" دەپ تە اتايدى. اناسى بيبٸساراعا اقش-تان دا شاقىرتۋ كەلگەنٸن ايتتى.
