«Bibi-Ana» qaiyrymdylyq qoǵamynyń prezidenti Bibigúl Imanǵazina «Parasat» ordenimen marapattaldy, dep habarlaidy Aqorda.
Almatyda Qazaqstan Respýblikasynyń Memlekettik hatshysy Qyrymbek Kósherbaev Qazaqstannyń eńbek sińirgen qairatkeri, «Bibi-Ana» qaiyrymdylyq qoǵamynyń prezidenti, belgili jazýshy Bibigúl Imanǵazinaǵa «Parasat» ordenin tabys etti.
Bibigúl Imanǵazina qoǵamda belgili «Taýqymet» atty romannyń jáne basqa da shyǵarmalardyń avtory, on jeti jasynda kenetten múgedek bolyp qalǵan ol shyǵarmashylyqpen birge múgedek analardy qoldaýmen ainalysýda.
1990 jyly múgedek analardyń respýblikalyq «Bibi Ana» qaiyrymdylyq qoǵamyn qurdy.
Qyrymbek Kósherbaev kórnekti jazýshy ári qoǵam qairatkerine densaýlyq, shyǵarmashylyǵyna jáne qaiyrymdylyq qyzmetine tabys tiledi.
