Aqtóbede birinshi synyp oqýshysynyń týystary zorlyq-zombylyq týraly málimdegennen keiin Bilim jáne ǵylym ministrliginiń ókilderi arnaiy kelip, olarmen kezdesti, dep habarlaidy "Ult aqparat" ministrliktiń baspasóz qyzmetine silteme jasap.
QR BǴM Balalardyń quqyqtaryn qorǵaý Komitetiniń tóraǵasy Esenǵazy Imanǵaliev pen QR Bilim jáne ǵylym ministriniń Balalardyń quqyqtaryn qorǵaý máseleleri jónindegi keńesshisi Raisa Sher Aqtóbe oblysyna kelip, zardap shekken balanyń otbasymen kezdesti. Ministrlik ókilderi balanyń jaǵdaiymen tanysyp, bala men onyń týystaryna qandai kómek qajet ekenin surap bildi. B alaǵa jan-jaqty, onyń ishinde psihologiialyq kómek kórsetiledi.
«Aqtóbe oblystyq bilim basqarmasy Bilim jáne ǵylym ministrligine oqýshynyń ata-anasynyń ótinishi týraly ýaqytyly habarlamady. Mektep ákimshiligi qajetti jumysty júrgizbei, týystarynyń úndeýine tiisti nazar aýdarmaǵan. Ákimdik janyndaǵy barlyq bilim basqarmasy mektepterde ne bolyp jatqanyn baqylaýda ustaýǵa jáne óńirlerde ne bolyp jatqanyn bilýi tiis. Mektepte ár bala úshin yńǵaily bolatyn jaǵdai jasaýy kerek. Nemqurailylyqqa jol berilmeidi», — dedi Balalar quqyǵyn qorǵaý Komitetiniń tóraǵasy Esenǵazy Imanǵaliev.
Sondai-aq QR BǴM ókilderi Aqtóbe oblysy ákiminiń orynbasary, oblystyq bilim basqarmasy basshysy, quqyq qorǵaý organdary men qamqorshylyq keńesiniń qatysýymen jiyn ótkizdi. Onda bolǵan oqiǵaǵa bailanysty jaǵdai tolyq anyqtalǵanǵa deiin mektep direktory men direktordyń orynbasaryn qyzmetinen shettetý týraly sheshim jariia etildi.
Jergilikti atqarýshy organdarǵa kámeletke tolmaǵandarǵa qatysty qaýipsizdik sharalaryn kúsheitý, osy baǵyttaǵy aldyn alý jumystary jáne bilim berý uiymdaryndaǵy beinebaqylaý kameralarynyń jumysyna muqiiat tekserý júrgizý boiynsha tapsyrma berildi. Oblys ákiminiń orynbasary tóraǵalyq etetin Aqtóbe oblysynyń kámeletke tolmaǵandardyń isteri jónindegi komissiiasyna kámeletke tolmaǵandar arasyndaǵy zorlyq-zombylyqqa qarsy kúres boiynsha aldyn alý jumystaryn júrgizý júkteldi.
Aita keteiik, Aqtóbe oblysynyń bilim salasynda sapany qamtamasyz etý departamenti mektep qyzmetkerlerine qatysty tergeý jumystaryn bastady. Qazirgi ýaqytta atalǵan derek boiynsha tergeý amaldary júrgizilip jatyr.
