Búginde bir synypta 42 oqýshyǵa deiin oqityny jasyryn emes. Úsh aýysymdy mektepterdiń sany kóbeimese, azaimai tur.
Elimizdiń bas shahary – elordada 8 mektep úsh aýysymda oqytýda. Bul týraly búgin bilim jáne ǵylym ministri Ashat Aimaǵambetov Ortalyq kommýnikatsiialar qyzmetinde ótken baspasóz konferentsiiasynda málimdedi.
Ministr Bilim berý jáne ǵylymdy damytýdyń 2016-2019 jyldarǵa arnalǵan memlekettik baǵdarlamasynyń qanshalyqty tiimdi iske asyrylyp jatqanyn baiandai otyryp, bilim berý salasyndaǵy birqatar túitkildi máseleniń basyn ashyp aitty.
"1 qyrkúiektegi jaǵdaiǵa súiensek, elimizde 128 mektep úsh aýysymda oqytady. Al, 31 mektep apatty jaǵdaida jumys istep tur. Bul sandar únemi ózgerýde. Jýyrda ǵana 3 mektep paidalanýǵa berildi. Árine, basym bóligi – eki aýysymdy mektepter. Negizinde, mektepterde balalar bir ǵana aýysymda oqytylýy tiis. Biz soǵan kóshýimiz kerek. Onyń sheshimi bireý ǵana. Bizge jańa mektepter salýdy arttyrý kerek. Nur-Sultan qalasynda 8 mektep úsh aýysymda oqytylady. Bul kópshiliktiń kókeiinde turǵan tolǵandyratyn másele. Sheshýdiń eki joly bar. Birinshisi – respýblikalyq biýdjetten aitarlyqtai qomaqty qarjy bólý. Ekinshisi – memlekettik-jekemenshik áriptestik mehanizmin tiimdi paidalaný. Oqýshylar sanynyń shegi bar. Bir synypta 25 oqýshy bolýy tiis. Alaida, mektepter bir synypqa 30-35 oqýshy qabyldaýǵa májbúr bolyp otyr. Ony ádeii istep otyrǵan joq. Múmkin bolmai tur. Onyń ústine, tiisti organdar kelip olarǵa aiyppul salady. Men ony quptamaimyn", - dedi ministr Aimaǵambetov.
Budan bólek, vedomstvo basshysy qoǵamdyq rezonans týdyrǵan kókshetaýlyq muǵalimmen kezdeskenin aitty.
"Kókshetaý qalasyndaǵy muǵalimge keletin bolsaq, biz kezdestik. Egjei-tegjeili asyqpai otyryp sóilestik. Jaqsy dialog ótti. Aitylǵan syndy ári qarai muqiiat zerdeleimiz. Muny júieli túrde qarastyrý kerek. Bul tek bir ǵana muǵalimniń máselesi emes, iaǵni bul jalpy pedagogtardyń máselesi. Buny Elbasy da, memleket basshysy da kóterdi. Osy oraida tiisti tapsyrmalardy berilip, qajetti qarjy bólinip jatyr. Ulttyq biliktilik testileýi barynsha ádil ótýi úshin biz muǵalimderdi metall izdegishpen tekserip, uialy telefon, mobildi qosymshalardy paidalanbaýyn qadaǵalaityn bolamyz. Zańsyz oryn alǵan jaǵdaida, qatań sharalar qoldanylady", - dedi ministr tilshiler saýalyna jaýap bere otyryp.
Onyń aitýynsha, "kósh júre túzeledi" deidi. Sondyqtan ministrlik baǵalaý júiesin odan saiyn jetildirýdi maqsat etip otyr.
Aita keteiik, orta bilim berý júiesinde jańartylǵan mazmunǵa kóshý jalǵasýda. Jańartylǵan mazmunda fýnktsionaldyq saýattylyqqa – bilimine ǵana emes, sol alǵan bilimin ómirde qoldana bilýge basa nazar aýdarylýda.
