بٷگٸندە بٸر سىنىپتا 42 وقۋشىعا دەيٸن وقيتىنى جاسىرىن ەمەس. ٷش اۋىسىمدى مەكتەپتەردٸڭ سانى كٶبەيمەسە, ازايماي تۇر.
ەلٸمٸزدٸڭ باس شاھارى – ەلوردادا 8 مەكتەپ ٷش اۋىسىمدا وقىتۋدا. بۇل تۋرالى بٷگٸن بٸلٸم جەنە عىلىم مينيسترٸ اسحات ايماعامبەتوۆ ورتالىق كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا مەلٸمدەدٸ.
مينيستر بٸلٸم بەرۋ جەنە عىلىمدى دامىتۋدىڭ 2016-2019 جىلدارعا ارنالعان مەملەكەتتٸك باعدارلاماسىنىڭ قانشالىقتى تيٸمدٸ ٸسكە اسىرىلىپ جاتقانىن بايانداي وتىرىپ, بٸلٸم بەرۋ سالاسىنداعى بٸرقاتار تٷيتكٸلدٸ مەسەلەنٸڭ باسىن اشىپ ايتتى.
"1 قىركٷيەكتەگٸ جاعدايعا سٷيەنسەك, ەلٸمٸزدە 128 مەكتەپ ٷش اۋىسىمدا وقىتادى. ال, 31 مەكتەپ اپاتتى جاعدايدا جۇمىس ٸستەپ تۇر. بۇل ساندار ٷنەمٸ ٶزگەرۋدە. جۋىردا عانا 3 مەكتەپ پايدالانۋعا بەرٸلدٸ. ەرينە, باسىم بٶلٸگٸ – ەكٸ اۋىسىمدى مەكتەپتەر. نەگٸزٸندە, مەكتەپتەردە بالالار بٸر عانا اۋىسىمدا وقىتىلۋى تيٸس. بٸز سوعان كٶشۋٸمٸز كەرەك. ونىڭ شەشٸمٸ بٸرەۋ عانا. بٸزگە جاڭا مەكتەپتەر سالۋدى ارتتىرۋ كەرەك. نۇر-سۇلتان قالاسىندا 8 مەكتەپ ٷش اۋىسىمدا وقىتىلادى. بۇل كٶپشٸلٸكتٸڭ كٶكەيٸندە تۇرعان تولعاندىراتىن مەسەلە. شەشۋدٸڭ ەكٸ جولى بار. بٸرٸنشٸسٸ – رەسپۋبليكالىق بيۋدجەتتەن ايتارلىقتاي قوماقتى قارجى بٶلۋ. ەكٸنشٸسٸ – مەملەكەتتٸك-جەكەمەنشٸك ەرٸپتەستٸك مەحانيزمٸن تيٸمدٸ پايدالانۋ. وقۋشىلار سانىنىڭ شەگٸ بار. بٸر سىنىپتا 25 وقۋشى بولۋى تيٸس. الايدا, مەكتەپتەر بٸر سىنىپقا 30-35 وقۋشى قابىلداۋعا مەجبٷر بولىپ وتىر. ونى ەدەيٸ ٸستەپ وتىرعان جوق. مٷمكٸن بولماي تۇر. ونىڭ ٷستٸنە, تيٸستٸ ورگاندار كەلٸپ ولارعا ايىپپۇل سالادى. مەن ونى قۇپتامايمىن", - دەدٸ مينيستر ايماعامبەتوۆ.
بۇدان بٶلەك, ۆەدومستۆو باسشىسى قوعامدىق رەزونانس تۋدىرعان كٶكشەتاۋلىق مۇعالٸممەن كەزدەسكەنٸن ايتتى.
"كٶكشەتاۋ قالاسىنداعى مۇعالٸمگە كەلەتٸن بولساق, بٸز كەزدەستٸك. ەگجەي-تەگجەيلٸ اسىقپاي وتىرىپ سٶيلەستٸك. جاقسى ديالوگ ٶتتٸ. ايتىلعان سىندى ەرٸ قاراي مۇقييات زەردەلەيمٸز. مۇنى جٷيەلٸ تٷردە قاراستىرۋ كەرەك. بۇل تەك بٸر عانا مۇعالٸمنٸڭ مەسەلەسٸ ەمەس, ياعني بۇل جالپى پەداگوگتاردىڭ مەسەلەسٸ. بۇنى ەلباسى دا, مەملەكەت باسشىسى دا كٶتەردٸ. وسى ورايدا تيٸستٸ تاپسىرمالاردى بەرٸلٸپ, قاجەتتٸ قارجى بٶلٸنٸپ جاتىر. ۇلتتىق بٸلٸكتٸلٸك تەستٸلەۋٸ بارىنشا ەدٸل ٶتۋٸ ٷشٸن بٸز مۇعالٸمدەردٸ مەتالل ٸزدەگٸشپەن تەكسەرٸپ, ۇيالى تەلەفون, موبيلدٸ قوسىمشالاردى پايدالانباۋىن قاداعالايتىن بولامىز. زاڭسىز ورىن العان جاعدايدا, قاتاڭ شارالار قولدانىلادى", - دەدٸ مينيستر تٸلشٸلەر ساۋالىنا جاۋاپ بەرە وتىرىپ.
ونىڭ ايتۋىنشا, "كٶش جٷرە تٷزەلەدٸ" دەيدٸ. سوندىقتان مينيسترلٸك باعالاۋ جٷيەسٸن ودان سايىن جەتٸلدٸرۋدٸ ماقسات ەتٸپ وتىر.
ايتا كەتەيٸك, ورتا بٸلٸم بەرۋ جٷيەسٸندە جاڭارتىلعان مازمۇنعا كٶشۋ جالعاسۋدا. جاڭارتىلعان مازمۇندا فۋنكتسيونالدىق ساۋاتتىلىققا – بٸلٸمٸنە عانا ەمەس, سول العان بٸلٸمٸن ٶمٸردە قولدانا بٸلۋگە باسا نازار اۋدارىلۋدا.
