Elordada ótip jatqan «Mektep álemin ózgertetin - ustazdar» konferentsiiasynda elimizdegi jalpy mektepter bolashaqta Nazarbaev Ziiatkerlik mektepteri júiesimen jumys isteitini aityldy, dep habarlaidy "Ult aqparat".
«Muǵalim mártebesin kóteretin naǵyz muǵalimder ekenine taǵy bir kózimiz jetip otyr. Elimizdiń bolashaǵy osyndai ustazdardyń qolynda», - deidi QR Bilim jáne ǵylym vitse-ministri Sholpan Karimova.
Ol QR Bilim jáne ǵylym ministrligi atynan bul konferentsiia búgingi kúni bilim berý júiesiniń ózekti máselelerin talqylaityn birden-bir innovatsiialyq alań bolyp otyrǵanyn aitty.
«Qai zamanda bolsa da, bilim, mádeniet jáne qundylyqtardy urpaqtan urpaqqa jetkizetin tek qana muǵalim ekeni túsinikti. Búgingi kúni bilim salasyndaǵy basty strategiialyq baǵyttardyń biri - Nazarbaev ziiatkerlik mektepteriniń tájiribesin Qazaqstandaǵy jalpy bilim beretin mektepterge taratý. Osy isti atqaryp otyrǵan barlyq áripteske alǵys aitqymyz keledi», - deidi ol.
Kún tártibine búgingi tańda álemdegi barlyq pedagogtardy tolǵandyratyn «muǵalim - oqýshy» seriktestigi, jahandyq quzirettilik, muǵalimderdiń úzdiksiz bilim alýy, bilim mazmuny men baǵalaý, qolaily bilim berý ortasyn qurý siiaqty ózekti máseleler engizilgen.
