330 qazaqstandyq sheteldik jetekshi joǵary oqý oryndaryna oqýǵa túsýge usynyldy, dep habarlaidy "Ult aqparat" QR Bilim jáne ǵylym ministrliginiń baspasóz qyzmetine silteme jasap.
Olar Qazaqstan men basqa elder arasynda Bilim jáne ǵylym ministrliginiń bastamasymen jasalǵan úkimetaralyq kelisim sheńberinde tegin oqi alady. Iaǵni, Majarstan, Polsha, Qytai, Ýkraina, Slovakiia, Ázirbaijan jáne Vetnam ýniversitetterinde tegin oqý múmkindikteri bar.
Ortalyq Aziia elderi arasynda Qazaqstanǵa eń kóp bilim grantyn Majarstan bólip otyr — 250, Qytai – 47, Polsha – 11, Ýkraina – 10, Slovakiia – 3, Ázerbaijan – 8, Vetnam – 1. Granttar bakalavriat, magistratýra, doktorantýra jáne rezidentýra baǵdarlamalary boiynsha bólinedi.
«Áńgimelesý barysynda árbir úmitkerge mamandyq tańdaýǵa degen yntasy men jigeri, teoriialyq bilimi men oqýdaǵy nemese tańdaǵan mamandyǵy salasyndaǵy jetistikteriniń deńgeiin anyqtaý úshin suraqtar qoiyldy. Sondai-aq biz oilaý logikasynyń deńgeiin, sóileý sapasyn, kez-kelgen jaǵdaidaǵy máselelerdi sheshý boiynsha úmitkerlerdiń jeke qasietteri men daǵdylaryn baǵaladyq. Bilim berý granttaryn taǵaiyndaý týraly túpkilikti sheshimdi qabyldaýshy tarap qabyldaidy», – dedi QR BǴM Halyqaralyq baǵdarlamalar ortalyǵynyń prezidenti Ainur Káribozova.
Úmitkerlerdi irikteýdi depýtattar, sarapshylar, injenerlik-tehnikalyq, meditsinalyq, gýmanitarlyq jáne jaratylystaný ǵylymdarynyń doktorlarynan quralǵan táýelsiz komissiia júrgizdi.
Táýelsiz saraptama komissiiasy negizgi jáne rezervtik tizimge shet tilin bilý deńgeii, bilimi týraly qujattyń ortasha baly jáne áńgimelesýdiń ortasha baǵasynyń jiyntyǵy boiynsha eń joǵary ortasha ball jinaǵan úmitkerlerdi engizdi.
