Beisenbi kúni Beijiń qalasynda ótetin Qysqy olimpiada oiyndarynyń qatysýshylary úshin Beijińde eki jáne Chjantsziakoýda bir olimpiada qalashyǵy ashyldy, dep habarlaidy QazAqparat Kyodo agenttigine silteme jasap.
Beijidegi Chaoian jáne Iantsin aýdandaryndaǵy kentterde 3500-ge jýyq tósek oryn qarastyrylǵan, al Qytai astanasynan soltústik-batysqa qarai shamamen 160 shaqyrym jerde ornalasqan Chjantsziakoýdaǵy qalashyq 4-20 aqpan aralyǵynda ótetin oiyndarǵa qatysatyn komandalardyń shamamen 2800-ge jýyq sportshy men resmi tulǵany qabyldaidy.
Chaoian kentinde negizinen konkimen syrǵanaý jarystaryna qatysýshylar turatyn bolsa, Iantsindegi qalashyqta taý shańǵyshylaryn qarsy alady. Chjantsziakoý aimaǵyndaǵy aýylda shańǵyshylar, snoýbordshylar jáne tramplinnen sekirýshiler turatyn bolady.
Japoniianyń shaibaly hokkeiden áielder quramasynyń olimpiadalyq qalashyqqa beisenbi kúni tústen keiin keletini kútilýde. Sportshylar 3 aqpan kúni Ýkesong sport ortalyǵynda ótetin alǵashqy oiynynda Shvetsiia komandasymen kezdesedi.
