Foto: Jazýshylar odaǵy
Beijiń qalasyndaǵy Qazaqstan mádeniet ortalyǵynda qazaq jáne qytai ádebietiniń iri ókilderin jinaǵan «Qazaq – Qytai qalamgerleri» halyqaralyq ádebi konferentsiiasy ótti, dep habarlaidy Ult.kz.
Is-sharany Qazaqstan Jazýshylar odaǵy, QR Qytaidaǵy Elshiligi, Qazaqstan mádeniet ortalyǵy jáne Zeinolla Sánik atyndaǵy mádeniet qory birlesip uiymdastyrdy.
Jiyn Zeinolla Sániktiń shyǵarmashylyǵyna arnalǵan arnaiy kitap kórmesimen ashyldy.
Konferentsiianyń ashylýynda sóz sóilegen Qazaqstan Jazýshylar odaǵynyń basqarma tóraǵasy Mereke Qulkenov eki el arasyndaǵy ádebi jáne mádeni bailanystardyń mańyzyn atap ótti.
— Bul mádeni ortalyq – sheteldegi alǵashqy ári jalǵyz qazaqstandyq mádeni alań. Prezident Qasym-Jomart Toqaevtiń qatysýymen ashylǵan bul ortalyq bizdiń ádebiet pen mádenietti halyqaralyq deńgeide tanytatyn mańyzdy platformaǵa ainaldy. Qazaq pen qytai ádebietiniń arasyndaǵy rýhani kópirdi nyǵaitý, aýdarma isin jańa deńgeige kóterý – ýaqyt talaby, — dedi ol.
Konferentsiiada Qytai Jazýshylar odaǵynyń tóraǵa orynbasary, ádebi synshy Ý Itsin eki el arasyndaǵy ádebi yntymaqtastyqtyń jańa kezeń bastalǵanyn aityp, birlesken jobalardy kúsheitý týraly usynystaryn jetkizdi.
Sondai-aq jiynda QR Mádeniet jáne aqparat ministrligi Arhiv, qujattama jáne kitap isi komitetiniń tóraǵasy Rýstam Ali, metsenat Qanat Sánik, jazýshy jáne aýdarmashylar óz pikirlerimen bólisti.
Konferentsiia aiasynda Qazaqstan Jazýshylar odaǵy men Qytai Jazýshylar qaýymdastyǵy yntymaqtastyq týraly Memorandýmǵa qol qoidy.
Plenarlyq otyrysta eki eldiń tanymal qalamgerleri baiandamalar jasady. Olardyń qatarynda:
• jazýshy, QR Memlekettik syilyǵynyń iegeri Beksultan Nurjeke-uly;
• jazýshy-aýdarmashy Akbar Májit;
• jazýshy, Memlekettik syilyq iegeri Kádirbek Segizbai;
• Qytai Jazýshylar baspasy ókili Ian Hýei;
• Qytai qoǵamdyq ǵylymdar akademiiasynyń ǵalymy Van Siaoiýi.
Olar aýdarma isi, ádebiet arqyly mádeni yqpaldastyq, qazaq-qytai ádebi bailanystarynyń tarihy jáne qazirgi damý baǵyttary týraly oilaryn ortaǵa saldy.
Konferentsiia sońynda qatysýshylar ekijaqty ádebi yntymaqtastyqty keńeitý máselelerin talqylap, naqty usynystar aitty.
