فوتو: جازۋشىلار وداعى
بەيجٸڭ قالاسىنداعى قازاقستان مەدەنيەت ورتالىعىندا قازاق جەنە قىتاي ەدەبيەتٸنٸڭ ٸرٸ ٶكٸلدەرٸن جيناعان «قازاق – قىتاي قالامگەرلەرٸ» حالىقارالىق ەدەبي كونفەرەنتسيياسى ٶتتٸ, دەپ حابارلايدى Ult.kz.
ٸس-شارانى قازاقستان جازۋشىلار وداعى, قر قىتايداعى ەلشٸلٸگٸ, قازاقستان مەدەنيەت ورتالىعى جەنە زەينوللا سەنٸك اتىنداعى مەدەنيەت قورى بٸرلەسٸپ ۇيىمداستىردى.
جيىن زەينوللا سەنٸكتٸڭ شىعارماشىلىعىنا ارنالعان ارنايى كٸتاپ كٶرمەسٸمەن اشىلدى.
كونفەرەنتسييانىڭ اشىلۋىندا سٶز سٶيلەگەن قازاقستان جازۋشىلار وداعىنىڭ باسقارما تٶراعاسى مەرەكە قۇلكەنوۆ ەكٸ ەل اراسىنداعى ەدەبي جەنە مەدەني بايلانىستاردىڭ ماڭىزىن اتاپ ٶتتٸ.
— بۇل مەدەني ورتالىق – شەتەلدەگٸ العاشقى ەرٸ جالعىز قازاقستاندىق مەدەني الاڭ. پرەزيدەنت قاسىم-جومارت توقاەۆتٸڭ قاتىسۋىمەن اشىلعان بۇل ورتالىق بٸزدٸڭ ەدەبيەت پەن مەدەنيەتتٸ حالىقارالىق دەڭگەيدە تانىتاتىن ماڭىزدى پلاتفورماعا اينالدى. قازاق پەن قىتاي ەدەبيەتٸنٸڭ اراسىنداعى رۋحاني كٶپٸردٸ نىعايتۋ, اۋدارما ٸسٸن جاڭا دەڭگەيگە كٶتەرۋ – ۋاقىت تالابى, — دەدٸ ول.
كونفەرەنتسييادا قىتاي جازۋشىلار وداعىنىڭ تٶراعا ورىنباسارى, ەدەبي سىنشى ۋ يتسين ەكٸ ەل اراسىنداعى ەدەبي ىنتىماقتاستىقتىڭ جاڭا كەزەڭ باستالعانىن ايتىپ, بٸرلەسكەن جوبالاردى كٷشەيتۋ تۋرالى ۇسىنىستارىن جەتكٸزدٸ.
سونداي-اق جيىندا قر مەدەنيەت جەنە اقپارات مينيسترلٸگٸ ارحيۆ, قۇجاتتاما جەنە كٸتاپ ٸسٸ كوميتەتٸنٸڭ تٶراعاسى رۋستام الي, مەتسەنات قانات سەنٸك, جازۋشى جەنە اۋدارماشىلار ٶز پٸكٸرلەرٸمەن بٶلٸستٸ.
كونفەرەنتسييا اياسىندا قازاقستان جازۋشىلار وداعى مەن قىتاي جازۋشىلار قاۋىمداستىعى ىنتىماقتاستىق تۋرالى مەموراندۋمعا قول قويدى.
پلەنارلىق وتىرىستا ەكٸ ەلدٸڭ تانىمال قالامگەرلەرٸ باياندامالار جاسادى. ولاردىڭ قاتارىندا:
• جازۋشى, قر مەملەكەتتٸك سىيلىعىنىڭ يەگەرٸ بەكسۇلتان نۇرجەكە-ۇلى;
• جازۋشى-اۋدارماشى اكبار مەجٸت;
• جازۋشى, مەملەكەتتٸك سىيلىق يەگەرٸ كەدٸربەك سەگٸزباي;
• قىتاي جازۋشىلار باسپاسى ٶكٸلٸ يان حۋەي;
• قىتاي قوعامدىق عىلىمدار اكادەميياسىنىڭ عالىمى ۆان سياويۋي.
ولار اۋدارما ٸسٸ, ەدەبيەت ارقىلى مەدەني ىقپالداستىق, قازاق-قىتاي ەدەبي بايلانىستارىنىڭ تاريحى جەنە قازٸرگٸ دامۋ باعىتتارى تۋرالى ويلارىن ورتاعا سالدى.
كونفەرەنتسييا سوڭىندا قاتىسۋشىلار ەكٸجاقتى ەدەبي ىنتىماقتاستىقتى كەڭەيتۋ مەسەلەلەرٸن تالقىلاپ, ناقتى ۇسىنىستار ايتتى.
