Beijiń Olimpiadasynyń nyshandary belgilegen kádesyilar dúkenderde taýsylyp qalǵan, dep habarlaidy QazAqparat qytailyq aqparat kózine silteme jasap.
«Osyǵan orai 8 aqpanda Shyǵys Qytaidyń Tsziansý provintsiiasyndaǵy Tsidýn qalasyndaǵy litsenziiasy bar zaýytta jumysshylar Bing Dwen Dwen taýarlaryn óndirýdi jedeldetti» delingen habarlamada.
Beijińdegi 2022 jylǵy qysqy Olimpiada oiyndarynyń boitumary Bing Dven Dven milliondaǵan jankúierlerdiń júregin jaýlap, úlken suranysqa ie bolǵan.
Árine, Beijiń Olimpiadasyna barǵan árbir azamat ózine Olimpiada belgisi bar estelik buiym satyp alatyny anyq.
Búgingi tańda kádesyi alýǵa jergilikti turǵyndar da jappai kirisip ketken.
Sol sebepti dúkenderdiń aldynda uzyn-sonar kezekter paida bolǵan.
Beijińdegi Qysqy Olimpiada oiyndarynyń uiymdastyrýshylary seisenbide Bing Dwen Dwen qýyrshaǵynyń qytailyq jańa jyldyq arnaiy nusqasy jaqyn arada naryqqa shyǵady jáne litsenziialanǵan taýarlardyń satylymy kem degende maýsym aiynyń sońyna deiin jalǵasady dep málimdedi.
