Atmosferalyq aýa aǵyndardyń ótýine bailanysty Qazaqstannyń basym bóliginde jaýyn-shashynsyz aýa raiy saqtalady, dep habarlaidy "Ult aqparat" Qazgidrometke silteme jasap.
Kei jerlerde jańbyr jaýyp, naizaǵai bolady, daýyl kútilip, jel kúsheiip, shańdy daýyl, tuman kútilip, burshaq jaýýy múmkin. Tek ońtústik-batys jáne ońtústikte jaýyn-shashynsyz aýa raiy kútiledi.
Aqmola, Soltústik Qazaqstan oblystarynda jeldiń kúshi 15-20, ekpini 23-28, kúndiz kei jerlerinde 30 m/s jáne asa kútiledi, daýyl, burshaq jaýýy múmkin, túnde jáne tańerten tuman bolady.
Shyǵys Qazaqstan, Qostanai oblystarynda daýyl kútilip, túnde basym bóliginde jel 15-20, kei ýaqytta 23-28 m/s kúsheiedi, burshaq jaýýy múmkin.
Almaty oblysynyń kei jerlerinde túnde jáne tańerten jeldńǵ jymdamdyǵy 18-23 m/s kúsheiip, burshaq jaýýy múmkin.
Aqtóbe oblysynyń kei jerlerinde jeldiń kúshi 17-22 m/s, kúndiz shańdy daýylmen. Qyzylorda oblysynyń kei jerlerinde jel 15-20 m/s jyldamdyqpen soǵyp, shańdy daýyl bolady. Pavlodar oblysynda jeldiń kúshi 15-20, ekpini 25 m/s.
Aqtóbe, Qyzylorda, Jambyl, Batys Qazaqstan oblystarynyń kei jerlerinde jeldiń kúshi 15-20 m/s. Qaraǵandy oblysynyń kei jerlerinde tuman kútiledi.
Aqmola, Pavlodar, Qaraǵandy, Shyǵys Qazaqstan oblystarynyń kei jerlerinde 3 gradýsqa deiin úsik kútiledi. Mańǵystaý oblysynyń kei jerlerinde óte joǵary órt qaýipi kútiledi.
