Beirýttegi keshegi joiqyn jarylys jaiynda túrli joramaldar aitylýda.
Rasynda da sońǵy 40 jylda kezinde "Taiaý Shyǵystyń Pariji" sanalǵan Livan astanasy syrtqy kúshterdiń tepkininen kóz ashpai keledi. AQSh flotynyń bombylaýy, Izraildiń basqynshylyǵy, Siriianyń tize batyrýy, Irannyń Hezbolla men Ámál siiaqty uiymdary arqyly arandatýy, palestinalyq bosqyndardyń shekten shyqqany - ne kórmedi bul el.
Sýnnit, shiit, drýz, hristian, maronit, t.b. bolyp jikke bólingen qoǵamnyń ishtei alaýyzdyǵy da tolastamai keledi.
Alaida sońǵy qasiret terrorlyq áreketten góri jemqorlyq pen laýazym ieleriniń saldyr-salaqtyǵyna, jaýapsyzdyǵyna kóbirek uqsaidy.
Ótken jylǵy bizdegi Arys oqiǵalary eriksiz eske túsedi. Jarylys boiynsha tergeý nátijesin áli esti jatarmyz.
Dese de kei kezderi qaýip-qaterdiń syrttan ǵana emes ishten de bolatynyn umytpai, onyń aldyn alý sharalaryn der kezinde qabyldaý kerek.
Rasýl Jumalynyń jazbasy
