«Beineý-Shalqar» avtojolyn jóndeý buryn bastalǵan avtojol jobalaryn salý jáne nashar joldardy rekonstrýktsiialaý aiaqtalǵannan keiin qolǵa alynady. Bul jaiynda QR Premer-Ministri Asqar Maminniń Senat depýtattarynyń saýalyna bergen jaýabynda aitylǵan, dep habarlaidy "Ult aqparat".
«Beineý – Shalqar» avtomobil jolyn 2020-2025 jyldarǵa arnalǵan «Nurly jol» memlekettik baǵdarlamasyna engizý týraly depýtattyq saýaldaryńyzdy qarap, mynany habarlaimyn. Memlekettik baǵdarlamaǵa sáikes «Ortalyq – Batys» dálizine kiretin, uzyndyǵy 1273 shaqyrym «Nur-Sultan – Arqalyq – Torǵai – Yrǵyz – Shalqar – Qandyaǵash» avtomobil jolyn rekonstrýktsiialaý kózdelgen jáne ony qarjylandyrý halyqaralyq qarjy institýttarynyń esebinen boljanady. Joba boiynsha tehnikalyq-ekonomikalyq negizdeme ázirlengen, jobalaý-smetalyq qujattamany ázirleý aiaqtalýda», - dedi Úkimet basshysy.
Sonymen qatar Asqar Mamin Memleket basshysynyń 1 qyrkúiektegi «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýyna sáikes, 24 myń shaqyrym respýblikalyq avtojoldy rekonstrýktsiialaý jáne jol servisimen qamtamasyz etý kózdelgenin aitady.
«Osyǵan bailanysty aǵymdaǵy ekonomikalyq jaǵdaidy eskere otyryp, memlekettik baǵdarlamada kózdelgen Shalqar qalasynan Beineý aýylyna deiingi avtomobil joly qurylysynyń jobasyn iske asyrý buryn bastalǵan avtojol jobalaryn salý jáne qoldanystaǵy tehnikalyq jaǵdaiy nashar joldardy rekonstrýktsiialaý aiaqtalǵannan keiin qaralady», - dedi Premer-Ministr.
