Pavlodarda Aqparat jáne qoǵamdyq kelisim vitse-ministri Daniiar Esin «Beibit jiyndar týraly» jańa zań jobasyn talqylady, dep habarlaidy QazAqparat.
«Beibit jiyndar ótkizilýi múmkin arnaiy oryndardy anyqtaýdaǵy eń basty qaǵida el Prezidenti aitqandai bul qala sheti emes. Ekinshisi – arnaiy oryndar barlyq qajetti infraqurylymǵa, qaýipsizdikke sai bolýy berýi tiis, barlyq sanitarlyq normalarǵa sáikes kelýi kerek jáne uiymdastyrýshylar úshin de, qatysýshylar úshin de bul oryn ony ótkize alatyndai yńǵaily bolýy qajet jáne bul múmkindik olarǵa berildi», - dep málimdedi QR Aqparat jáne qoǵamdyq damý vitse-ministri Daniiar Esin Pavlodarda «Beibit jiyndar týraly» Qazaqstan Respýblikasy Zańynyń jobasyn jurtshylyq ókilderimen talqylaý barysynda.
Daniiar Esinniń aitýynsha, ákimdik quzyretine, sonymen qatar, osy zańdy iske asyrý kezinde adamdar beibit jiyndar ótkize alatyn jáne óz maqsatyna jetý úshin, al jiyn qatysýshylarynyń sózin tyńdai alatyn arnaiy oryndardy qoldaný tártibi men anyqtamasy kiredi.
«Qazaqstandy álemdik geosaiasatta bolyp jatqan oqiǵalardan bólip qaramaimyz. Ol osy úderisterdiń bir bóligi. Halyqaralyq uiymdar Qazaqstanda jiyndar ótkizý týraly zańnama qaita qaraýdy talap etetinin jii aitady. Bul joba – atalmysh suraqtarǵa berilgen jaýap», - dedi kezdesýdiń moderatory, «Desenta» qoǵamdyq qorynyń tóraǵasy Sergei Gýliaev.
