Beibit jinalystardy uiymdastyrýshylardyń, qatysýshylardyń quqyqtary men mindetteri naqty aiqyndalady. Bul týraly QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Zańda beibit jiyndy uiymdastyrýshylardyń, qatysýshylardyń, jýrnalisterdiń mártebesi, quqyqtary men mindetteri bekitiledi. Qoldanystaǵy zań qatysýshylardy, uiymdastyrýshylardy shektemeidi. Osyǵan orai zańda uiymdastyrýshylardyń, qatysýshylardyń mártebesin, quqyǵy men mindetterin aiqyndaý usynylady», - dedi ministr Májiliste Qazaqstan Respýblikasynda beibit jinalystardy uiymdastyrý jáne ótkizý tártibi týraly» jáne «Qazaqstan Respýblikasynyń keibir zańnamalyq aktilerine beibit jinalystardy uiymdastyrý jáne ótkizý tártibi máseleleri boiynsha ózgerister men tolyqtyrýlar engizý týraly» zań jobalaryn tanystyrý barysynda.
Onyń atap ótýinshe, bul beibit jinalystardyń qatysýshylary jáne uiymdastyrýshylary bolýy yqtimal tulǵalarǵa talaptardy aiqyndaýǵa múmkindik beredi.
«Uiymdastyrýshylardyń, qatysýshylardyń quqyqtary men mindetteri naqty aiqyndalatyn bolady. BAQ salasyndaǵy ókiletti organ beibit jinalystarǵa qatysatyn jýrnalist qyzmetiniń erejesin, jýrnalistik aiyrmashylyq belgisi pishinin qabyldaityn bolady. Uiymdastyrýshylar úshin beibit jinalystardy ótkizýdiń yńǵaily bolýy maqsatynda uiymdastyrýshylardyń aiyrmashylyq belgileriniń pishini qabyldanady», - dedi Dáýren Abaev.
