6 maýsymnan bastap beibit jinalystar týraly habarlamalar men kelisýdi alý týraly ótinishterdi joldaýǵa bolady. Bul týraly "Ult aqparat" Aqparat jáne qoǵamdyq damý ministrligigiń telegram kanalyna silteme jasap habarlaidy.
2020 jylǵy 25 mamyrda Memleket basshysynyń «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zańǵa qol qoidy.
Zań alǵash resmi jariialanǵan kúnnen keiin kúntizbelik on kún ótken soń qoldanysqa engiziledi.
Zań 2020 jylǵy 26 mamyrda jariialandy, sáikesinshe 2020 jylǵy 6 maýsymda kúshine enedi.
2020 jylǵy 6 maýsymǵa deiin «Qazaqstan Respýblikasynda beibit jinalystar, mitingiler, sherýler, piketter jáne demonstratsiialar uiymdastyrý men ótkizý tártibi týraly» 1995 jylǵy 17 naýryzdaǵy Qazaqstan Respýblikasynyń Zańy óz kúshinde qalady.
Osyǵan bailanysty beibit jinalystar týraly habarlamalar men kelisýdi alý týraly ótinishterdi joldaý «Qazaqstan Respýblikasynda beibit jinalystardy uiymdastyrý jáne ótkizý tártibi týraly» zańy kúshine engennen keiin múmkin bolady.
