© AP Photo / Joe Coomber
Kásipqoi boksshy Beibit Shúmenovka memleketaralyq izdeý jariialandy, dep habarlaidy Sputnik Qazaqstan saity Astana qalasynyń politsiia departamentine silteme jasap.
"18 maýsymda "Mega Silkway" saýda oiyn-saýyq ortalyǵynda janjal shyǵarǵan kásipqoi boksshyǵa resmi túrde izdeý jariialandy. Beibit Shúmenovke qatysty QR Qylmystyq kodekstiń 293-baby "Buzaqylyq" boiynsha sotqa deiingi tergeý amaldary júrip jatyr. Sodai-aq Shúmenovke qylmystyq is júrgizý zańnamasynyń normalaryna sáikes resmi túrde memleketaralyq izdeý jariialandy", - delingen vedomstvo habarlamasynda.
Buǵan deiin Shúmenovtiń fotosy quqyqtyq statistika jáne arnaiy esepke alý organdarynyń portalyndaǵy qylmyskerlerdi izdestirý bóliminde jariialanǵany habarlanǵan bolatyn.
Skrin: qamqor.gov.kz
Eske sala keteiik, kásipqoi boksshy oiyn-saýyq ortalyqtarynyń birinde bala kótergen er adammen janjaldasyp, oǵan birneshe ret soqqy jasaǵan. Keiinnen Shúmenov oqiǵanyń qalai bolǵanyn aityp, áleýmettik jelide pikir jazdy.
