Qazaqstannyń birinshi aýyr salmaqtaǵy WBA Regular chempiony Beibit Shúmenov (18-2, 12 KO) 29 qańtarda Gollivýdtaǵy (Florida shtaty, AQSh) Seminole Hard Rock Hotel &Casino arenasynda amerikalyq Rafael Merfige (14-1, 11 KO) qarsy jekpe-jekte ringke oralýdy josparlaǵan bolatyn, dep habarlaidy Sports.kz.
Alaida Merfi The Ring basylymyna bergen suhbatynda B.Shúmenovtiń aldaǵy keshte ótetin jekpe-jekke qatyspaitynyn aitqan. Mundai sheshimge ne sebep bolǵany aitylmady. Rafael qazir Floridadaǵy qonaqúide jáne 29 qańtarda ringke shyǵýy tiis. Alaida onyń endigi qarsylasy kim bolary belgisiz.
Bir kezderi bedeldi promoýter bolǵan Don King uiymdastyratyn shoýdyń ózi de bolmaýy múmkin. Óitkeni qonaqúi ákimshiligi áli kúnge deiin aldaǵy oqiǵa týraly habardar bolmaǵan.
Esterińizge sala keteiik, Beibit Shúmenov ringke 2018 jyldyń shilde aiynan bastap shyqpaǵan. Sol jyly Astanada túrkiialyq Hizni Altýnkaiýdy (32-3, 19 KO) nokaýtqa jibergen bolatyn.
