قازاقستاننىڭ بٸرٸنشٸ اۋىر سالماقتاعى WBA Regular چەمپيونى بەيبٸت شٷمەنوۆ (18-2, 12 KO) 29 قاڭتاردا گولليۆۋدتاعى (فلوريدا شتاتى, اقش) Seminole Hard Rock Hotel &Casino ارەناسىندا امەريكالىق رافاەل مەرفيگە (14-1, 11 KO) قارسى جەكپە-جەكتە رينگكە ورالۋدى جوسپارلاعان بولاتىن, دەپ حابارلايدى Sports.kz.
الايدا مەرفي The Ring باسىلىمىنا بەرگەن سۇحباتىندا ب.شٷمەنوۆتٸڭ الداعى كەشتە ٶتەتٸن جەكپە-جەككە قاتىسپايتىنىن ايتقان. مۇنداي شەشٸمگە نە سەبەپ بولعانى ايتىلمادى. رافاەل قازٸر فلوريداداعى قوناقٷيدە جەنە 29 قاڭتاردا رينگكە شىعۋى تيٸس. الايدا ونىڭ ەندٸگٸ قارسىلاسى كٸم بولارى بەلگٸسٸز.
بٸر كەزدەرٸ بەدەلدٸ پروموۋتەر بولعان دون كينگ ۇيىمداستىراتىن شوۋدىڭ ٶزٸ دە بولماۋى مٷمكٸن. ٶيتكەنٸ قوناقٷي ەكٸمشٸلٸگٸ ەلٸ كٷنگە دەيٸن الداعى وقيعا تۋرالى حاباردار بولماعان.
ەستەرٸڭٸزگە سالا كەتەيٸك, بەيبٸت شٷمەنوۆ رينگكە 2018 جىلدىڭ شٸلدە ايىنان باستاپ شىقپاعان. سول جىلى استانادا تٷركييالىق حيزني التۋنكايۋدى (32-3, 19 كو) نوكاۋتقا جٸبەرگەن بولاتىن.
