Beibit Isabaev QR Parlamenti Senaty Áleýmettik-mádeni damý jáne ǵylym komitetiniń tóraǵasy laýazymyna sailandy, dep habarlaidy QazAqparat.
«Beibit Isabaev Áleýmettik-mádeni damý jáne ǵylym komitetiniń quramynda qyzmet etýge ótinish bildirdi», - dedi Senattyń jalpy otyrysynda palata tóraǵasy Máýlen Áshimbaev.
Osydan keiin Senat spikeri Beibit Isabaevty atalǵan komitettiń quramyna sailaý máselesin daýysqa qoiyp, depýtattar biraýyzdan qoldaý bildirdi.
Kelesi kezekte sóz alǵan senator Nariman Tóreǵaliv Áleýmettik-mádeni damý jáne ǵylym komitetiniń tóraǵasy qyzmetine Beibit Isabaevty sailaýdy usyndy.
«Áleýmettik-mádeni damý jáne ǵylym komitetiniń tóraǵasy qyzmetine Beibit Isabaevtyń kandidatýrasyn usynamyn. Beibit Óksikbaiuly QR Prezidentiniń QR Parlamentindegi ókildiginiń basshysy, birneshe elde Tótenshe jáne Ókiletti Elshi, QR Prezidentiniń baspasóz hatshysy retinde jáne basqa da qyzmetterdi abyroimen atqarǵan azamat. Onyń bilimi men mol jumys tájiribesin eskere otyryp, Áleýmettik-mádeni damý jáne ǵylym komitetiniń tóraǵasy laýazymyna laiyqty tulǵa dep esepteimin», - dedi ol.
Senatorlar bul usynysty da biraýyzdan qoldap, daýys berdi.
