QR Indýstriia jáne infraqurylymdyq damý ministri Beibit Atamqulov Eýropanyń «AIRBUS D&S» ushaq jasaý kontserniniń vitse-prezidenti Ioannis Papakristofilýmen jumys kezdesýin ótkizdi, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Kelissózder barysynda Qazaqstannyń «AIRBUS» kontsernimen áýe qurylysy jáne ǵarysh salalaryndaǵy óndiristik kooperatsiiasyn keńeitý máseleleri qozǵaldy. Respýblika aýmaǵynda «Ghalam» JShS jáne «Evrokopter Qazaqstan injiniring» JShS siiaqty birqatar joǵary tehnologiialyq kásiporyndar qurylyp, jumys istep jatyr.
Kelissózder qorytyndysynda taraptar syndarly dialog úshin bir-birine rizashylyq bildirip, qorǵanys ónerkásibi salasyndaǵy yntymaqtastyqty damytýdyń mańyzdylyǵyn atap ótti.
«Evrokopter Qazaqstan injiniring» JShS birlesken kásiporny 2011 jyly quryldy. Osy ýaqyt ishinde kásiporyn 31 tikushaq qurastyrdy. Onyń ekeýi - N125 - Ózbekstan men Tájikstanǵa eksporttaldy. 2030 jylǵa deiin jalpy somasy 168 mln eýroǵa 21 tikushaq shyǵarý josparlanǵan.
Sondai-aq, Qazaqstanda «Airbus D&S»-pen ǵarysh apparattary men olardyń qurastyrǵyshtaryn óndirý jónindegi «Ghalam» JShS birlesken kásiporny jumys isteidi. «Qazaqstan Ǵarysh Sapary» UK« AQ (72,5%) men AIRBUS D&S (27,5%) arasyndaǵy birlesken kásiporyn 2010 jyly tehnologiialar transfertin paidalaný jáne iske asyrý, injiniringtik qyzmetter kórsetý, ǵarysh apparattaryna jiyntyqtaýshylar óndirý jónindegi mamandardy daiarlaý úshin quryldy.
