Elimizde betti tumshalaityn jáne ekstremistik kiim-keshekti kigen azamattarǵa 50 AEK-den (120 250 teńge) 500 AEK (1 202 500 teńge) mólsherinde aiyppul salyný usynyldy, dep habarlaidy Baq.kz tilshisi.
Búgin QR Parlamenti Senaty bet-álpetti tanýǵa kedergi keltiretin kiim-keshekti qoǵamdyq oryndarda kiip júrýge tyiym salatyn zań jobasyn Májiliske qaitardy. Atalǵan zań jobasynda betti tumshalaityn jáne ekstremistik kiim-keshekti kigen azamattarǵa salynatyn aiyppuldyń mólsheri kórsetilgen.
«Destrýktivti dini aǵymdarǵa jatatyndyǵyn kórsetetin syrtqy atribýttardy, kiim-keshekti qoǵamdyq oryndarda paidalaný, kiip júrý jáne taratý – eskertý jasaýǵa ne jeke tulǵalarǵa – 50 AEK (120 250 teńge), 100 AEK (240 500 teńge) mólsherinde aiyppul jasaýǵa alyp keledi. Eger atalǵan áreket bir jyldan keiin qaitalansa, jeke tulǵalarǵa 200 AEK (481 000 teńge), lazaýymdy adamdarǵa 300 AEK (721 500 teńge), qyzmetine tyiym sala otyryp, zańdy tulǵalarǵa 500 AEK (1 202 500 teńge) mólsherinde aiyppul salýǵa alyp keledi», - delingen atalǵan zańnyń mátininde.
