Almatyda №2 temirjol vokzaly ǵimaratynyń betondy qaptamasy er adamnyń ústine qulap ketti. Onyń jaǵdaiy týraly qalalyq Qoǵamdyq densaýlyqty saqtaý basqarmasynyń baspasóz qyzmeti aityp berdi, dep habarlaidy "Ult aqparat".
«Naýqas shuǵyl meditsinalyq kómek berý aýrýhanasyna aýyr halde (bas-miynyń jabyq jaraqaty, birneshe qabyrǵasynyń synýy, gematoroksy bar qos ókpesiniń soqqy alýy, plevropýlmonaldy shok, bel omyrtqasynyń jaraqaty, jambasynyń jaryqshaqty synyǵy, travmalyq shok) jetkizildi. Dárigerler jansaqtaý bólimi jaǵdaiynda diagnostikalyq jáne emdik sharalardyń tolyq kólemin júrgizdi», - dedi basqarmanyń baspasóz qyzmetinen.
Dárigerlerdiń aitýynsha, ekinshi táýlikten soń naýqastyń omyrtqasyna ota jasalyp, titan qoiyldy.
«Qazir onyń jaǵdaiy birqalypty. Ońaltý sharalary jasalyp jatyr. Naýqas barlyq meditsinalyq kómekti qajetti kólemde aldy», - dedi vedomstvodan.
