Almaty politsiiasy qala aýdandarynyń birinde bet-álpetti taný júiesin engizý týraly memorandýmǵa qol qoiylmaǵanyn málimdedi, dep habarlady "Ult aqparat".
«Buqaralyq aqparat quraldarynda politsiia departamenti men kompaniia Almaty qalasynyń aýdandarynyń birine Qamqor atty tulǵany taný júiesin engizý jóninde memorandým jasasqany týraly habarlama tarady. Bul - kompaniianyń pilottyq jobasy. Olar júieniń jumysyn Almaty qalasynyń Medeý aýdanynda kórsetýge niet bildirdi. Kezdesý qorytyndysy boiynsha Almaty qalasynyń PD memorandýmǵa qol qoiǵan joq», - dep habarlaidy qalalyq politsiia.
Buǵan deiin «aqyldy kameralar» qanatqaqty rejimde Kók bazar perimetri boiynsha ornatylatyny habarlanǵan bolatyn.
«Almaty qalasy Medeý aýdanyndaǵy mikroýchaskelerdiń birinde quqyq buzýshylyqty tómendetý men qylmysty anyqtaýǵa múmkindik beretin jańa júieni engizý josparlanyp otyr. Jasandy taldaý intellektisi jobasy aýdandaǵy quqyq qorǵaý organdary, kásipkerler jáne «Nur Otan» partiiasy aýdandyq filialy arasynda tiisti memorandýmǵa qol qoiylǵannan keiin iske asyrylmaq», - delingen Medeý aýdany baspasóz qyzmetiniń málimetinde.
