Aqmola oblysynyń Bestóbe altyn kenishinde er adamnyń denesi tabyldy, dep habarlaidy QazAqparat.
«Altynalmas» AK» aktsionerlik qoǵamynyń málimetinshe, atalmysh shahtanyń jumys istemei turǵanyna bir jyldai ýaqyt bolǵan.
Ishi jer asty sýyna tolǵan, sondai-aq, jeldetý jáne basqa injenerlik júieleri isten shyqqan. Sondyqtan shahtaǵa kirý adam ómiri úshin qaýipti.
Er adamnyń denesi uiyqtaýǵa arnalǵan kórpe qaptan tabylǵan. Onyń sol Bestóbe aýylynyń turǵyny ekeni belgili bolyp otyr.
Osy rette Aqmola oblystyq politsiia departamentiniń baspasóz qyzmeti shahtadan er adam denesiniń tabylý deregin rastady.
Sonymen birge bul derektiń sotqa deiingi tergeýdiń biryńǵai tizilimine engizilgenin jáne osyǵan qatysty tergeý júrip jatqanyn atap ótti.
