QR Bas prokýrory Ǵizat Nurdáýletovtiń aitýynsha, keiingi 5 jylda qarjy piramidalarynyń ústinen 600-den astam qylmystyq is qozǵalǵan, dep habarlaidy QazAqparat.
«Quqyq qorǵaý organdary qarjy alaiaqtyǵyna qatysy bar faktilerdi anyqtaý jáne jolyn kesý boiynsha turaqty jumys júrgizip otyr.
Sońǵy 5 jylda Qylmystyq kodekstiń 217-baby (qarjy piramidasyn qurý jáne oǵan basshylyq etý) boiynsha sotqa deiingi tergep-tekserýdiń biryńǵai tiziliminde 618 material tirkelgen.
2019 jylmen salystyrǵanda byltyr osy sanat boiynsha tirkelgen qylmystar sany 7 ese ósti. Bul qarjy piramidalarynyń qyzmetin toqtatý boiynsha jumystardyń jandanǵanyn kórsetedi», - dep jazdy Ǵizat Nurdáýletov Májilis ókilderiniń depýtattyq saýalyna bergen jaýabynda.
Onyń málimeti boiynsha, biylǵy 9 aida qylmystyq qýdalaý organdarynyń óndirisinde qarjy piramidalary boiynsha 380 qylmystyq is qaralǵan.
Onyń ishinde 212 is sotqa joldansa, 2 is negizdemeniń joqtyǵynan qysqartylǵan.
