قر باس پروكۋرورى عيزات نۇردەۋلەتوۆتٸڭ ايتۋىنشا, كەيٸنگٸ 5 جىلدا قارجى پيراميدالارىنىڭ ٷستٸنەن 600-دەن استام قىلمىستىق ٸس قوزعالعان, دەپ حابارلايدى قازاقپارات.
«قۇقىق قورعاۋ ورگاندارى قارجى الاياقتىعىنا قاتىسى بار فاكتٸلەردٸ انىقتاۋ جەنە جولىن كەسۋ بويىنشا تۇراقتى جۇمىس جٷرگٸزٸپ وتىر.
سوڭعى 5 جىلدا قىلمىستىق كودەكستٸڭ 217-بابى (قارجى پيراميداسىن قۇرۋ جەنە وعان باسشىلىق ەتۋ) بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸندە 618 ماتەريال تٸركەلگەن.
2019 جىلمەن سالىستىرعاندا بىلتىر وسى سانات بويىنشا تٸركەلگەن قىلمىستار سانى 7 ەسە ٶستٸ. بۇل قارجى پيراميدالارىنىڭ قىزمەتٸن توقتاتۋ بويىنشا جۇمىستاردىڭ جاندانعانىن كٶرسەتەدٸ», - دەپ جازدى عيزات نۇردەۋلەتوۆ مەجٸلٸس ٶكٸلدەرٸنٸڭ دەپۋتاتتىق ساۋالىنا بەرگەن جاۋابىندا.
ونىڭ مەلٸمەتٸ بويىنشا, بيىلعى 9 ايدا قىلمىستىق قۋدالاۋ ورگاندارىنىڭ ٶندٸرٸسٸندە قارجى پيراميدالارى بويىنشا 380 قىلمىستىق ٸس قارالعان.
ونىڭ ٸشٸندە 212 ٸس سوتقا جولدانسا, 2 ٸس نەگٸزدەمەنٸڭ جوقتىعىنان قىسقارتىلعان.
