Túrkistan oblysynyń Politsiia departamenti bes jasar qyzdyń óliminen keiin Jibek joly aýylynda bolǵan "tolqý" týraly aqparatqa qatysty pikir bildirdi, - dep habarlaidy "Ult aqparat".
"Saryaǵash aýdany Jibek joly aýylynda jaǵdai turaqty. Kúdikti izin sýytpai ustalyp, qamaýǵa alyndy.
Oqiǵa ornyna Túrkistan oblysy ákiminiń orynbasary, oblys prokýrory men oblystyq politsiia departamentiniń bastyǵy, jedel-tergeý toby shyqty.
Qazirgi ýaqytta tiisti is-sharalar atqarylyp jatyr. Aýyl turǵyndarymen aqsaqaldar, quzyretti organdar jáne jergilikti atqarýshy organdardyń ókilderi kezdesý ótkizdi.
QR QPK-niń 201-babyna sáikes sotqa deiingi tergep-tekserýdiń ózge de derekteri jariia etýge jatpaidy" - delingen habarlamada.
PD baspasóz qyzmeti azamattardan tek resmi derekterge súienýdi surap, jalǵan aqparat taratqany úshin qylmystyq jaýapkershilik qarastyrylǵanyn eskertti.
