Ulttyq qaýipsizdik komiteti men Ishki ister ministrligi Almaty, Shymkent qalalary jáne Almaty, Aqtóbe, Jambyl oblystarynda qylmyskerlerdi ustaý boiynsha arnaiy operatsiia júrgizdi, - dep habarlaidy "Ult aqparat" Tengrinews.kz agenttigine silteme jasap.
"Ishki ister ministrliginiń Uiymdasqan qylmysqa qarsy kúres departamenti, UQK besinshi departamenti jáne Almaty qalasy boiynsha Politsiia departamenti Almaty, Shymkent qalalary, Almaty, Aqtóbe jáne Jambyl oblystary aýmaǵynda birlese otyryp, uiymdasqan qylmystyq top múshelerin ustaý boiynsha arnaiy operatsiia júrgizdi.
Barlyǵy 23 adam ustaldy. Qylmystyq top músheleri, buryn sottalǵandar jáne qylmysqa beiim adamdar, onyń ishinde qarý qoldaný arqyly qylmys jasaý jáne zorlyq-zombylyq jasaýǵa mamandanǵandar. Bul qaryzdy óndirip alý, bopsalaý, sondai-aq zańsyz óndirýmen ainalysatyn tulǵalarǵa qoldaý jasaityndar", - dedi IIM baspasóz hatshysy Aqtoty Boranova.
IIM málimetinshe, qylmyskerler ai saiyn 300-500 myń dollar kóleminde Almaty oblysy Talǵar aýdany aýmaǵynda maining óndirýshiler esebinen paida tapqan.
"Zańsyz maining óndirýshi fermalardy tintý kezinde qylmystyq toptyń jeti múshesi ustaldy. Qylmyskerler 36 jastaǵy IT mamanyn qylmystyq esepshotqa otyrǵyzyp, ony qorqytyp, maining jumysyn uiymdastyrý úshin bopsalaǵan", - delingen habarlamada.
Zańsyz saqtalǵan qarýdyń ornyn anyqtaý boiynsha is-sharalardy júrgizý kezinde toptyń úsh múshesi ustaldy, olardyń biri áskeri qyzmetshi. Olardan AKSÝ avtomaty, 60 patron jáne "Stalker" jáne "Retai" tapanshalary tárkilendi, delingen IIM habarlamasynda.
Tintý jumystary nátijesinde jedel ýákilder aiǵaqtar men qylmys quraldaryn, qara býhgalteriiany, sondai-aq jalpy quny 7 million dollarǵa jýyq maining jumysyna arnalǵan 6 myńnan asa tehnikany, "Makarov" tapanshasyn, 3 dana jalǵan memlekettik nómirlerdi tárkilegen.
