Qazaqstan aýmaǵynda koronavirýs infektsiianyń taralýyna jol bermeý jónindegi vedomstvoaralyq komissiia Nur-Sultan, Almaty, Shymkent, Atyraý, Qaraǵandy qalalarynda karantin sharalaryn kúsheitý týraly sheshim qabyldady, dep habarlaidy "Ult aqparat".
Ashyq jobasyna qatyspaityn barlyq kásiporyndar men uiymdardyń qyzmeti toqtatylady
Vedomstvoaralyq komissiia eldegi táýliktik syrqattanýshylyqtyń 65%-yn jáne táýliktik ólim-jitim jaǵdailarynyń 55%-yn quraityn Nur-Sultan, Almaty, Shymkent, Atyraý, Qaraǵandy qalalarynda karantin sharalaryn kúsheitý týraly sheshim qabyldady.
«Bul óńirlerde biylǵy jyldyń 2 tamyzynan bastap mynadai shekteý sharalary kúshine enedi:
ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uiymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uiymdaryn qospaǵanda, Ashyq jobasyna qatyspaityn barlyq kásiporyndar men uiymdardyń qyzmetin toqtata turý;
oiyn-saýyq, sporttyq, otbasylyq, estelik jáne ózge de buqaralyq is-sharalardy ótkizýge tyiym salý;
memlekettik organdar, keńseler, ulttyq kompaniialar men ózge de uiymdar qyzmetkerleriniń 80%-yn qashyqtan jumys isteýge aýystyrý (vaktsina saldyrǵandardy jáne sońǵy 3 ai ishinde aýyryp jazylǵandardy qospaǵanda)», delingen habarlamada.
