Memleket basshysy Nursultan Nazarbaevtyń áleýmettik bastamalary árbir qazaqstandyqtyń ál-aýqatyn odan ári jaqsartyp, qalypty ómir súrýdiń jańa sapasyna shyǵýdy kózdeitini anyq. Elimizdegi túiitkildi máselelerdiń túiinin tarqatyp, tyń ózgeristerge bastaý barsha halyqty birtutastyqqa jumyldyra túseri sózsiz.
Elbasynyń tórtinshi bastamasy aýyldyq jerlerde jáne qalalarda shaǵyn nesie berýdi keńeitýge baǵyttalǵan. Ol kásipkerlikti damytýǵa, jumys oryndaryn qurýǵa, az qamtylǵan halyq sanatynyń tabysyn ósirýge, sondai-aq ózin-ózi jumyspen qamtyǵan halyqty resmilendirýge qatysty keshendi mindetterdi sheshýge múmkindik beredi.
Shaǵyn nesie berýdi damytý búginde 2017–2021 jyldarǵa arnalǵan Ónimdi jumyspen qamtýdy jáne jappai kásipkerlikti damytý baǵdarlamasy aiasynda júzege asyrylýda jáne jappai kásipkerlikti damytýdyń eń tiimdi tetigi bolyp tabylady.
2018 jyly bekitilgen biýdjette shaǵyn nesie berý baǵdarlamasyna 42 mlrd teńge, onyń ishinde aýyldyq jerlerge — 31 mlrd teńge jáne qalalar men monoqalalar úshin — 11 mlrd teńge qarastyrylǵan.
Memleket basshysynyń tapsyrmasymen qarjylandyrý 20 mlrd teńgege ulǵaiyp, biyl 62 mlrd teńgeni quraidy. Sonyń nátijesinde shaǵyn nesiemen qamtýdyń jalpy kólemi 14 000 adamnan asady, bul 2017 jylǵy deńgeiden eki ese kóp.
Jumys Ónimdi jumyspen qamtý jáne jappai kásipkerlikti damytý memlekettik baǵdarlamasy aiasynda júzege asyrylady. Bes áleýmettik bastamanyń tórtinshi baǵytyn tiimdi iske asyrý úshin Baǵdarlamaǵa birqatar ózgerister men tolyqtyrýlar engizilgen, atap aitqanda:
- Óndiristi ulǵaitý jáne onyń kepildendirilgen satylymy úshin qaita óńdeýshi aýyl sharýashylyǵy kásiporyndary aiasynda zákirlik kooperatsiiany damytý. Osy maqsattarǵa barlyǵy 10 mlrd teńge bólingen.
- Alýshylardyń sanyn ulǵaitý úshin shaǵyn nesielerdi berý limitterin saralaý (aýyldyq jerlerde — 2500 AEK deiin, zákirlik kooperatsiiany damytý úshin — 5000 AEK, qalalarda jáne monoqalalarda — 6500–8000 AEK).
- Geografiiany keńeitý jáne shaǵyn qarjy uiymdarynyń qoljetimdiligin qamtamasyz etý úshin kepilsiz negizde nesielik resýrstardy berý.
- Jańa biznesti ashý múmkindikterin keńeitý úshin burynnan kele jatqan kásipkerlerdi, zákirlik kooperatsiiany damytý jobalaryn qospaǵanda, shaǵyn nesieleýge úmitkerler qataryna qospaý kózdelgen.
- Maqsatty indikatorlardy jańartý (7 000-nan 14 000 adamǵa deiin).
