Berlindegi Vilmersdorf aýdanynda belgisiz úsh adam inkassatorǵa shabýyl jasaǵan, dep habarlaidy nemistiń Der Tagesspiegel gazeti.
Aldyn ala málimet boiynsha, shabýyl jasaǵandar oqiǵa ornynan qashyp úlgergen. Berlin politsiiasy Twitter-de bank bólimsheleriniń biriniń mańynda inkassatorǵa shabýyl jasalǵanyn rastap, Býndesplats alańy mańyna jaqyndamaýǵa shaqyrdy. Qazir ol aýmaqty avtomat asynǵan politseiler qorshaýǵa aldy. Qaskúnemderdi izdeý jáne ustaý úshin arnaiy operatsiia bastaldy. Sonymen qatar, tártip saqshylary jergilikti turǵyndardan abai bolýdy ótindi. Sebebi qashyp ketken qylmyskerler qarýlanǵan ári qaýipti bolýy múmkin.
Atys kezinde bir adam jaralanyp, aýrýhanaǵa jatqyzyldy.
Oqiǵanyń anyq-qanyǵy tekserilip jatyr.
