Berik Ýáli "Qazaqstan" korporatsiiasy direktorlar keńesiniń basshysy bolyp sailandy. Bul týraly "Qazaqstan" ulttyq arnasynyń saitynda habarlandy, - dep jazady "Ult aqparat".
"Qazaqstan" respýblikalyq teleradiokorporatsiiasy" aktsionerlik qoǵamy direktorlar keńesi músheleriniń kezekti otyrysynda Qazaqstan Respýblikasy Prezidentiniń baspasóz hatshysy Berik Ýáli "Qazaqstan" RTRK" AQ direktorlar keńesiniń tóraǵasy bolyp sailandy", - delingen habarlamada.
Berik Ýáli 1977 jyly týǵan. Júrgenov atyndaǵy Qazaq memlekettik teatr jáne kino institýtyn "Kinotanýshy" mamandyǵy boiynsha, sondai-aq, Ál-Farabi atyndaǵy Qazaq ulttyq ýniversitetiniń "Jýrnalistika" mamandyǵy boiynsha magistratýrasyn jáne Qazaq gýmanitarlyq-zań innovatsiialyq ýniversitetin "Quqyqtaný" mamandyǵy boiynsha bitirgen.
Eńbek jolyn "Tań" telekompaniiasy aqparattyq baǵdarlamasynyń korrespondenti bolyp bastaǵan, "NTK" telearnasynyń shyǵarýshy redaktory, "31-arnada" jaýapty jáne bas redaktor, "Habar" agenttiginiń aqparattyq baǵdarlamalarynyń redaktory-jetekshi, Qazaqstan telearnasynyń "1-stýdiia" tok-shoýynyń júrgizýshisi, "Nur Media" sybailas jemqorlyqqa qarsy media ortalyǵynyń basshysy bolyp jumys istedi. Baspasóz qyzmetiniń basshysy, Ońtústik Qazaqstan oblysy ákimi apparaty basshysynyń orynbasary, Ońtústik Qazaqstan oblysy ishki saiasat jáne din isteri basqarmasynyń basshysy, "Nur Otan" partiiasy tóraǵasynyń birinshi orynbasarynyń keńesshisi, "Nur Media" JShS baqylaý keńesiniń tóraǵasy, ministrdiń keńesshisi, QR Investitsiialar jáne damý ministrligi aqparattyq qamtamasyz etý departamentiniń direktory, Jambyl oblysy ishki saiasat basqarmasynyń basshysy qyzmetterin atqarǵan.
2019 jylǵy naýryzda Memleket basshysynyń ókimimen Qazaqstan Respýblikasy Prezidentiniń baspasóz hatshysy bolyp taǵaiyndaldy. "Daryn" memlekettik jastar syilyǵynyń laýreaty.
